1. Game Loading 

Bizi dünya "indi" proqramçılarının pərdə arxası həyatı ilə tanış edən bu sənədli film Rayan və Emi Grinin dördyaşlı oğlunun xərçəng xəstəliyi ilə mübarizə aparması əsasında qurulmuş "That Dragon, Cancer" oyunu da daxil olmaqla bir çox həqiqi həyat hekayələri haqqında danışır. 

Film, həmçinin oyunları klonlaşdıran və bəzi hallarda bunu oyun müəlliflərinin öz yaratdığı oyuna müəllif hüquqlarının tətbiq etməsindən əvvəl etməsi kimi çirkin əməllərindən əl çəkməyən insanlardan da söhbət açır. 

2. Against the Odds 

E-sports (elektron idman) tarixi haqqında ən böyük hekayə olan Against the Odds filmi OG komandasının yaranmasından tutmuş "The İnterntional 18" müsabiqəsinin qalibi olmasınadək keçdiyi mürəkkəb yoldan danışır. Heç vaxt birlikdə oynamayan oyunçulardan və keçmiş məşqçidən ibarət bu komanda azarkeşlər tərəfindən heç də yaxşı qarşılanmamışdır. Buna baxmayaraq o, Dota 2 oyununda ən yüksək pilləyə çıxması ilə ən bahalı mükafat qazanır və bu yolda bütün gözləntiləri puça çıxarır. Bu sənədli film istedadın gözlənilməz sıçrayışından bəhs edir. 

3. The Ripple Effect 

Bu filmin adı sənə tanış gəlməyə bilər, lakin Atari şirkətinin təsisçisi Nolan Buşnelin təsiri səndən yan keçməyib. Gəncliyimizin mədəniyyətinin formalaşmasında əbədi iz qoymuş sahibkarlar haqqında çəkilən Red Bull Ripple Effect sənədli filmlər silsiləsinin bir hissəsi kimi bu filmi verən Nolan Buşnellin müsahibəsi vasitəsilə Pong oyununun yaradılması və digər pərdəarxası məqamlara işıq salır. Nolan Buşnellin kompüter oyunları sahəsində ilk addımları, Pongmania, 1983 ildə onun şirkətini tərk etməsi və kompüter oyunları böhranı haqqında söylədiklərini nəzərə alaraq biz bu sənədli filmin izləməyi pop-mədəniyyəti ilə maraqlanan hər bir şəxsə tövsiyə edirik. 

4. Esports Unfold 

Əminəm ki, sən öz sevdiyin oyunları Twitch-də seyr edirsən, bəs onlar haqqında çoxmu bilirsən? Bu film sevdiyin oyunçular, oyunun yaradıcıları, pərdəarxası və bir çox gizli məqamlar haqqında məlumatlarla doludur. Bu məlumatlar səhnədən kənar ev şəraitində ulduzlardan və onların yaxınlarından götürülən müsahibələrdə verilir. Müsahiblər arasında OG komandasının Topson və JerAx ləqəbli oyunçuları və FIFA üzrə keçmiş dünya çempionu Agge də var. Bu epizodlar özü özüllüyündə şedevrdır. 

5. Wreck or Get Rekt 

Street Fighter oyunun personajları arasındakı "söhbətin" həddindən artıq qanlı olduğunu düşünürsənsə, ThatDemoGuy və Quinton kimi rəqib oyunçuların bu filmdəki şifahi qarşıdurmasını dinlə. Red Bull Kumite-nin dolu səhnələrindən kənar bir dünyada baş verən bu qarşıdurma oyunu öz yaranma dövrünə doğru aparır. 

6. Diggin' in the Carts 

Hətta bəstəkar Yoko Shimomuranın yazdığı musiqilərdən xəbərsiz olaraq yaşayırsansa belə, Yaponiyanın video oyunlarının musiqisinə verdiyi töhfənin nə dərəcədə böyük olduğunu bilməlisən. Altı kiçik, lakin çox gözəl epizodlardan ibarət "Diggin' in the Carts" sənədli filmi bu ölkənin VGM-ə göstərdiyi təsirə görə minnətdarlıq və sevgi məktubudur. Bu filmdə kompüter oyunlarının yaradılması ilə bağlı məşhur insanlar müxtəlif oyunlar, janrlar, ulduzlar və oynadığımız kompüter oyunlarının əsasında duran texnologiyalardan söhbət edir. 

7. The Art of Street Fighting 

"The Art of Street Fighting" filmi bugünkü Street Fighter V oyununun səhnəsindəki ən məşhur oyunçuları haqqındadır. Red Bull Kumite yarışmasına hazırlaşan Luffy, Xiao Hai, Tokido, Gamerbee, Diago və Beast kimi oyunçulardan söhbət açan bu filmdə əqli və fiziki çətinliklər, rəqabət mühiti və bu oyunçuları məşhurlaşdıran məqamlar müzakirə olunur. 

8. Conquest Road Trip 

Bəzən necə getməyimiz hara getməyimizdən daha əhəmiyyətli olur. Red Bull Conquest yerli döyüş oyunları yarışmasının peşəkarları Anakin və Snake Eyez ABŞ şəhərlərini ziyarət edir və yerli döyüş oyunu cəmiyyətlərinin üzvləri ilə görüşüb onlardan müsahibə alırlar. 

9. Cultivation 

Macəralar və oyunlar insanı sınaqdan keçirir, bəs ekrandan kənarda baş verən macəralar haqqında nə demək olar? Səlahiyyətli orqanların Super Smash Bros. Melee oyununu rəsmi idman növü olmadığını elan etməsindən sonra 2015-ci bu oyunun İsveçli peşəkarı Leffenin ABŞ-a daxil olmasına qadağa qoyulmuşdur. Dünyanın ikinci ən yaxşı oyunçusunun karyerası üçün bu, böyük bir uğursuzluq idi. Filmin ikinci hissəsi Leffenin öz əvvəlki mövqeyini qaytarması haqqındadır. 

10. Gaming The Real World 

Minecraft oyunu dünyanı dəyişə bilərmi? Bu sənədli filmin yaradılmasında əsas məqsəd uzaqgörən oyunçular və proqramçıların oyunların şəhərdə necə tətbiq edilməsi haqqında suala cavab verməsini işıqlandırmaqdır. Yaşayış ərazilərin abadlaşdırılması və gələcək küçələrin planlaşdırılmasında oyunların inkişaf etməsinin rolu nə dərəcədə böyükdür? Filmdə bu suallara cavab axtarılır. 

11. Screenland 

Doom oyununun yaradıcılarından biri öz uşaqları üçün oyun yaradır? Yoxlayaq! "Arcade" oyunlarını araşdıranlar köhnə avadanlıqları hörümçək torundan təmizləyir? Ola bilər! Məşhur bir erotik kitab müəllifi ilə "indi" proqramçısı arasında əməkdaşlıq? Cəmiyyət tərəfindən necə qəbul edildiyindən asılı olmayaraq, maraqlı və qeyri adi oyun mədəniyyəti məhz Screenland yaradıcıları tərəfindən aşkar olunaraq doqquz hissəli sənədli filmində təqdim olunur. 

12. Part of the Game 

Məhz bu yolla onlayn texnologiyası oyun dünyasını birləşdirdi və ya bircins etdi. Hər şey sənin ona necə qiymət verməyindən asılıdır. Belə ki, oyun cəmiyyətlərinin şəhərlərə göstərdiyi təsir və şəhərlərin həyatında oynadığı rolu nəzərə almamaq çox asandır. Bu filmlər silsiləsində dünyanın San Paulodan tutmuş İstanbuladək bütün məşhur şəhər və bölgələrində oyunların necə inkişaf etməsi və həmin ərazilərdə oyunların həyata göstərdiyi təsir araşdırılacaq. Bir sözlə, bu film oyunların bizə nə verdiyini xatırladır. 

13. Prism 

Milyard dollarlıq franşizlərə və bahalı esports dünyasının pərdəarxasına baxsan, oyun qəhramanlarının həyatının mənasını görə bilərsən. Deus Ex oyunundan ilham almış və süni ələ malik Daniel Melvilleni və ya peşəkar oyunçuların yaxşı oynaması üçün onlara mənəvi dəstək verən psixoloq Mia Stellbergi götür. Bu şəxslərin hər biri Prism adlı mini sənədli film silsiləsinin qəhrəmanlarıdır. 

14. Levels 

Dünyanın çox gözəl Monument Valley oyununu sevməsinin səbəbinin araşdırılmasından tutmuş Dead Cells oyununu yaradan Motion Twin "indi" studiyasının dəyərlərinin nə olduğunu öyrənilməsinədək bu altı hissəli sənədli film silsiləsi bizə proqramçıların öz sənəti üçün nələrə hazır olduğunu və nələri qurban verdiyini göstərir. Bu film sənin piksellərə hörmətini artıracaq